政府關於退休保障諮詢的障眼法解毒之一

請廣傳：政府關於退休保障諮詢的障眼法解毒之一:

全民退保揾年青人笨？真的嗎？

政府成日都搵人笨柒啦！乜鬼嘢高鐵、鉛水，大家又唔出聲！全民退保就覺得俾人搵笨？

乜鬼嘢『自己父母自己養』，你份老強俾D腦細攞曬去對沖，一早渣都無啦！你自己都養唔掂啊！仲話驚幫人養老竇老母，就算有都要有審查咁話喔！我想問你屋企有無樓啊？有？咁你節省一點兒啦！要審查，你應該無書讀喔，真係難為你娘親含辛茹苦係個西門度生你出來！點解唔叫你老竇一早射你埋牆角？唔明？睇片啦！

四分幾鐘解你知，三種大家對全民退休保障常有的誤會。

睇片(短片)三個反對全民退保的青年

唔會說教，岩後生睇

https://www.youtube.com/watch?v=FVeDljkLIWk

PS:旁白把聲有D似呢D叫差人喎……（內有粵語粗口） http://www.youtube.com/watch?v=a_JDtLqWROg
睇完片，想更了解全民退休保障的民間方案，請往:www.aup-hk.org

同班同學

題材好好，講援交嘅戲都唔算好多，不過拍得唔好睇。太多不必要裸露位，同埋唔知點解小婉會同另外兩個主角熟。可能都係彭浩翔拍返會多D抽水笑位

《雛妓》挑戰社會禁忌 再爆本土題材

呢套嘢鍾意睇嘅人就講到好好，亦有人踩到佢地底泥。遲左少少入場，所以開頭唔係完全睇到。

嗱挑戰社會禁忌，呢套的確做到嘅，唔係講緊題材，係除左Sara（阿Sa飾演）俾繼父強姦，而佢阿媽容忍之外，點解咁多搞嘢場面嘅。正所謂『三仔有格仔，四仔無格仔』，我要睇搞嘢嘅，自己走去睇甜片唔好？係咪咁話先？

再爆本土題材，有人話套嘢唔反映現實，話現今援交妹甚少因為要讀書而做，通常都係因為要買名牌！不過如果話呢個援交妹（嗰個時代叫老泥妹）想買名牌，點講到佢之後做到記者。

佢話本土題材，我覺得佢講緊其他嘢，即係講緊傳媒同高官講大話『低官可以唔出聲，但高官一定要睜大眼講大話』，不過Sara講得出呢句嘢，即係佢已經對甘浩賢（任達華飾演）嘅關係已經由物質需要變成感情需要啦！

到Sara做到記者之後，又因為報導官商勾結，結果篇報道唔俾出。去到泰國清邁散心，見到D雛妓，又見到佢以前嘅自己，所以想搵返相關情況，唔少得訪問，就搵到未成年嘅Dok My，最初佢咩都唔肯講。返到香港報返泰國情況，就話呢D獵奇嘢，觀眾受歡迎，其實都有講到傳媒鍾意谷銷量。

不過呢套嘢D時序成日飛來飛去，其實有D亂。因為甘浩賢死後，Sara都去過喪禮。但後來Sara係泰國酒店裡面自殺。Sara襯浸浴期間飲酒割脈，染到D水紅曬，太容易發現。我地作為觀眾，都覺得Sara應該唔算想死，反而似想Dok My講多D自己嘢嘅手段，呢個連Sara個男朋友都係咁覺得，所以呢個部分有D亂。

電影《雛妓》首支育成預告片 (三級版)

https://www.youtube.com/watch?v=nZ6sIE2m5fU